Календар подій Стоваришыня Лемків на 2016 рік

Стоваришыня Лемків, найстарша по політычных перемінах 1989 рока лемківска орґанізация в Польщы, презентує календар подій на 2016 рік.

• 6. лютий/фебруар, Шпротавскій Дім Культуры – выступ Лемківского Ансамблю Пісні і Танця Ластівочка (діючий при Кружку СЛ в Пшемкові) в рамках верифікацийного концерту до орґанізациі CIOFF – більше за тым мотузком;
• 27. лютий/фебруар – Кружок СЛ в Пшемкові просит на Лемківску Забаву в Пшемкові;
• 27.-28. май, – ІХ Медженародне Бієнале Лемківской/Русиньской Культуры в Креници (креницкій Кружок СЛ);
• 5.-6. серпня/авґуста, – ХХХVI Лемківска Ватра на Чужыні в Михалові;
• жолтен/октобер, (точний термін іщы не єст знаний) – ХХХIV Лемківска Творча Осін;
• жолтен/октобер, (точний термін іщы не єст знаний) – Х Стрічы Трьох Поколінь з Лемківском Культруом получены з 15-літьом ЛАПіТ Ластічовка (все одбывали ся в Пшемкові, але правдоподібні ювілейны стрічы та ювілей ансамблю одбудут ся в ліґницкым театрі Г. Моджеєвской);
• литопад/новембер, – ХХIV Стрічы з Лемківском Культуром в Ґожові Великопольскым (ґожівскій Кружок СЛ);
• 5. грудня/децембра – Ден Русина в Польщы.

Окрем того, в поєдных Кружках Стоваришыня Лемків можут быти орґанізуваны і другы акциі. О вшыткых подіях будеме іщы шырше інформувати на нашым портали. Радийо лем.фм буде тримало медияльний патронат і, на міру технічных можливости, приносило реляциі (в тым нажыво) з вычысленых горі подій.