Іван Зятик – мученик – І ч. – «70%» – неділя, 18.00 год.

Праві вшыткы дослідникы ци вандрівникы, котры писали о Лемках, звертали увагу на іх побожніст. Очывидні, тота чеснота была на тілько пошырена і загальні плекана, же трудно было єй не спостеречы. А єднак, хоц горы і возносят своі верхы над долинами, сут высшы і низшы медже нима.

Так і медже лемківскыма праведниками сут найвысшы вершыны. Єдна з них – священномученик, редемпториста Іван Зятик, блаженный УГКЦ, родом з Одреховы. Власні о ним наша днешня оповіст.

На знимці од лівой стороны, яку взяли сме з Вікіпедиі, видиме о. Зятика як раз по принятю тайны священства. Од правой стороны – ікона новомучеників, проголошеных в 2001 році, де представлено і блаженного Івана Зятика. Іщы видиме на фото і паню Надію Зятик-Сапеляк. То єй выступ на науковій конференциі, де оповідат про блаженного – стрыка єй тата.