Іван Чіжмар з нагородом Турока-Гетеша

На отвертя ХІІІ Світового Конґресу Русинів признано почестну нагороду ім. Василя Турока-Гетеша. Нагороджено Івана Чіжмаря зо Свидника – як русинского культурного діяча, фольклористу, архівісту, співака і творцю.

Грамоту передал Дюра Папуґа, ведучий Світовой Рады Русинів. Лавреат в першых словах звернул ся до делеґатів з подяком за тоту велику чест. Повіл, же кєд Русины не мают свойой державы, то тым векшу вагу винны присвячати культурі, яка веде до підтриманя нашой достоменности.

Ґратулюєме і желаме Многых Літ в діяню на ниві нашой культуры, яку не мож собі уявити без характерного голосу Пана Івана і його руснацкой співанкы.

Полна реляция з ХІІІ. Світового Конґресу Русинів в радию лем.фм буде проходила днес од 20.00 год. (19.06.2015).