ІІ част фестівалю «Світ під Кычером» – на чужыні

Днес, концертом в лемківскым місточку Крениця, кінчыт ся перша част медженародового фольклорного фестівалю «Світ під Кычером». Проходил він на Лемковині і Пряшівскій Руси, о чым шырше писали сме гев. Заран, ансамблі і етнічны ґрупы з цілого світа, лишат Лемковину і перенесут ся на захід Польщы, чужыну – Нижній Шлеск.

1. липця т.р. одбуде ся великій концерт в Ліґници. Наступного дня фестіваль завитат до Волова. Третій ден то анімациі і ґальовий концерт в Рудній і околицях. 4. липця т.р. «Світ під Кычером» перенесе ся до Хоцянова. Пак, наступного дня в неділю, традицийні уж, остатній ден медженародового фольклорного фестівалю народных і етнічных меншын «Світ під Кычером», буде проходил в селі Замениці к. Хойнова під назвом І світ пришол до Лемків.

Вартат спомянути, же о кілько перша част переходила на етнічных териториях Карпаткой Руси, т.є. на Лемковині і Пряшійвскій Руси, о тілько концерты другой части фестівалю будут проходити в місцевостях, котры днес на чужыні сут найвекшыма центрами населіня Русинів, выгнаных в 1947 році і іх потомных.

Веце інформаций долов на залученым афішы.