«Говорить Пряшів» – пятниця, 18.10 год.

Ідеме на Ватру! Влаком, а пак лавком через Попрад і уж сме в Малым Липнику.

Надієме ся, же і вы там будете. Запалиме ватру і буде фай атмосфера. Але перше наша пряшівска передача.

Целебритом буде Ігор Грабар – внук Адольфа Добряньского, художник, директор Третяковской Ґалериі в Москві.

Книжниця.фм – стихы Миколая Коневала.

Перличка – ґазета «Недѣля» інформує о новых господарскых порядках.

Припоминка – повіме собі о книжници Ковачовій, котра была основана при пряшівскій єпархіі в Пряшові.