«Говорить Пряшів» – пятниця, 18.10 год.

Но і што? Тіж вас тото пригнело, же уж о тыжден вшыткы вы, «новостильны», будете сідати до велиі? Так скоро вшытко летит, же тото жытя здає ся быти міцно за короткє, ачий як дожыєте ся выжданой соткы.

Ден за дньом, тыжден за тыжньом, місяц за місяцьом, вкінци – рік за роком. Перед тым не втечеме, то правда обявлена, стара як світ. Можеме лем старати ся дакус звільнити, тішыти ся каждом хвильом і не брати за річы, якы не мают ниякого смыслу, якы лем бороздят нам в нашій жытьовій радости.

Найліпше в тоты дни сісти при пеци (або на пеци, кєд ся змістите) і слухати радия. Але не першого ліпшого, а радия Руской Бурсы з Ґорлиц – ЛЕМ.фм. Граме лем по рускы, ци то ся дакому любит ци ніт. Граме не лем рускє з Лемковины, але і часом общерускє. Такє, якє запамятали і передали нам нашы бурсакы.

Приємного вікенду. Желают родакы од Пряшова, што нам авдицию каждый тыжден рыхтуют.