«Говорить Пряшів» – пятниця, 18.10 год.

Не знам, як то ся діє, але час за скоро жене. Іщы хвилю тому тіж была пятниця. І зас она пришла. Жебы лем не было, же ся з пятниці в радию не тішыме. Радше нас в боці коле, кєд приходит понедільок.

Треба вшыткым нам знати, же робота в радию не іде лем в тоты так называны робочы дни. Шак вікенд мал бы ся гейбы зачати уж в пятницю пополудни, а нашы редакторы і суботу, і святу неділеньку часом мусят робити. Думам, же тото зрозуміле і гын – горі – не пошкодит нам тото.

І так мож ствердити, што «Говорить Пряшів» одкрыват цикль вікендовых проґрамів радия ЛЕМ.фм. Но бо в суботу што найменьше дві премєры годны сте слухати – «Перегляд тыжня» і цілком чудну авдицию «Одомаш» (гей, то я єй реализую, зато си покєпкуйме).

В неділю зас – як то на свято пристало – вельо церковной музикы, пренос богослужынь (православных і грекокатолицкых, жебы каждый мал по рівно), а і проповід з Апостолом. Потім уж лем кус повагы (з музиком) і добраніч. Но і зас понедільок…