«Говорить Пряшів» – пятниця, 18.10 год.

Вшытко ся качат, як колесо. Так і наш робочый тыжден. Од пятниці до наступной пятниці нибы то дуже дни, але якоси так вшытко ся скоро кінчыт і нове надходит.

І так власні зас пришла пятниця. Початок тых двох дни, што і по новому называме вікендом. Мож си товды (подібно) долше поспати, мож дашто цікаве поробити, на што не маме часу, кєд в тыжни ходиме до роботы, а і (тіж подібно) мож сой дыхнути. Залежыт, як кому лежыт, як хто си в жытю постелил.

В радию ЛЕМ.фм нияк не стопуєме. Што тыжден за посередництвом камаратів з Пряшова приносиме порцийку культурных інформаций, нашу історию і дальшы цікавы справы, о якых дознате ся в днешній авдициі.