«Говорить Пряшів» – пятниця, 18.10 год.

Щыросердечно, як за каждым разом, просиме Вас слухати премєровый одтинок «Говорить Пряшів». Бесідувала буде найліпша пряшівска файта. Дознаме ся того і оного, о чым вартат памятати.

При нагоді почуєте гарду русиньску бесіду. Таку ничым не скаламучену. Натуральну, вынесену з хыжы, не штучно вывчену. Таку, котру ся приємно слухат, бо она натуральна, приємна. А што найважнійше непокалічена.

Пряшівскы редакторы принесут нам жменю актуальных культурных інформаций, будут водити нас по старых русиньскых ґазетах, і вкінци нас заведут до скарбниці нашой богатой істориі.

Не лем тото, але і інче годны сме почути. Лем старчыт залучыти радийо, а вшытко выявит ся днешнього теплого вечера.