«Говорить Пряшів» – пятниця, 18.10 год.

В третій ден квітня/апріля просиме на першый одтинок «Говорить Пряшів» в тым ярнім місяци. Гей, яр уж чути в повітрю – хоц з того будме рады.

Од парох тыжни тырват пандемія. Бореме ся з ньом каждый ден. Подля єдных добрі, подля другых гірше. То уж все справа політикы і політикуваня. Оставме сесе на пізнійше.

Сама днешня авдиция, як кажда дотля, то тіж покус політика. Не єст так, же політика то лем свары і спір. Політика єст потрібна в каждій ґрупі. Каждый нарід мусит єй вести по свому, жебы покріпляти тоты факторы, якы позваляют му окремо істнувати. В нашій передачы, нашы камаратя з Пряшова о тым памятают і фурт припоминают, аж і нам, родакам на Лемковині.

Сам проґрам ся не мінят. Традицийо – в змісті одтинка найдете части Культурный калейдоскоп, Нашы целебриты, Історичный Календар, Перличка та Книжниця Русин фм.