«Говорить Пряшів» – пятниця, 18.10 год.

To уж остатній одтинок в марци. Час скоро жене, а мы уж встигли повитати яр. Хоц в народній традициі яр все тямила ся з одроджыньом і приносила надію, то вшытко тото, што ся тепер діє, неконечно дає нам почутя, же заран буде ліпше.

Але окрем понурой штоденности, выкликаной пандемійом коронавіра, наше жытя конечно тече дальше. Мусиме старати ся жыти так, жебы хоцкі не бракло нам того, што дотля мали сме за приємне. Шак сут серед нашых люди такы, котры ждали новых премєр в нашым радию. Проґрам «Говорить Пряшів» єст доказом на богату культуру, традицию і історию Русинів. А тота остатня, як наше теперішнє жытя, часто бывала терниста. Так хоц в такым виді достережме метафору нашого сучасного быту.

Традицийно в проґрамі вызвучат части: Культурный калейдоскоп, Нашы целебриты, Книжниця.фм, Перличка і Припоминка.