«Говорить Пряшів» – пятниця, 18.10 год.

Приносиме зас порцию цікавых вісти і інформаций. Лем сядте і будте з нами, а пряшівскы камаратя вас не заведут.

Нашым целебритом буде Теодор Дуфанец, Русин з Галичыны, вязень Талергофу, політик і культурно-общественный діяч, ґазда Руского Дому в Пряшові.

Книжниця.фм –  ту творчіст Емілия Кубека: «Кому што Бог обіцял» – третя част оповіданя.

Перличка – ґазета «Недѣля» нас вчыт, же грошы треба до банку одкладати, а не в соломі тримати. Днес може бы повчыла, же ліпше інвестувати – дайме то – в Біткойны.

Припоминка – повіме собі о істориі зъявлінь в Лютины, до котрой перед выселінями ходили і нашы предкы з Лемковины.