«Говорить Пряшів» – пятниця, 18.10 год.

Уж пятниця. Або вкінци. Або зас. Як хто любит – най си выбере. Мы фурт даєме свободу. Не як інчы.

Так і днес годны сте выбрати тото єдно і добре. Просиме слухати «Говорить Пряшів» – прямо з Пряшова, з центра.

Нашым целебритом буде русиньскій лідер і меценат з Підкарпатя – Володимир Біланин.

Книжниця.фм – Михайло Дзіндзьо – «За што Петро коровы навертал» – перша з трьох части оповіданя лемківского писателя. То може вас заінтересувати.

Перличка – ґазета «Недѣля» нам пише того разу о попередниках єпископа Александра Стойкы.

Припоминка – припомянеме собі послідні рокы мукачівской єпархіі і єй єпископів.