«Говорить Пряшів» – пятниця, 18.10 год.

А уж заран Маланка! Думам, же вшыткы будеме святкувати, не лем тоты, што ідут (подля традициі) за старым стильом. Желаме вшыткым приємной забавы, окрашеной добрыма людми і лемківскым духом.

Нич тото приде, в пятницьовый вечер сядете іщы ґу радию. А мы принесеме Вам дашто з руснацкого світа.

Нашым целебритом буде Штефан Новак, пятый пряшівскій грекокатолицкій владыка. Дознаме ся дашто з його жытя.

«Книжниця.фм» – ту будут стихы зо збіркы Петра Медвідя пн. «Синьов країнов». То наш редакцийный камарат, прото ся гордиме. А при тым то тіж малый радийовый дебют Петровых стишок. Гей же, Петре?

«Перличка» – ту традицийно ґазета «НедѢля» нам приносит выімкы з новорічной бесіды головного совітодателя Александра Ільницкого до русиньского народу.

«Припоминка» – припомянеме собі, што писал в 1913 р. Орест Сабов о русиньскій коломыйці.