«Говорить Пряшів» – пятниця, 18.10 год.

Традицийні в пятницю просиме вшыткых сісти коло радия. Залучыти оне радийо, а пак настроіти антену, кєд бы тріщала. Пак то уж лем ждати год. 18.10 і буде, што треба.

Нашым днешнім целебритом буде Іван Шутєв – продолжытель славной підкарпатской малярской школы.

Днешня «Книжниця.фм» міцно наша – лемківска. Вызвучат вершы Учытеля – Івана Русенка.

«Перличка» – продолжыня з ґазеты «Недѣля» – давна преса принесе нам інформацию о тым, же про земледільців в остатнім часі не была добра погода.

«Припоминка» – ту нашы пряшівскы камаратя припомнут нам стары похоронны звыкы серед Русинів. Слухайме, посмотриме, ци на Лемковині было подібні, а може кус інакше.