«Говорить Пряшів» – пятниця, 18.10 год.

Пятниця нам задуркала. Така крас, осіння. Тым більше то добрый час на тото, жебы сісти при пецу і залучыти перше лемківскє радийо, якє в кооперативі з радийом Русинів Пряшівщыны донесе свіжы вісти.

Днешнім нашым целебритом буде Євгеній Петрик, грекокатолицкій священник, публициста, выдавця.

В «Книжници.фм» – Гелена Ґіцова-Міцовчінова і єй стихы.

«Перличка» – ту традицийно ґазета «Недѣля» нам припоминат, же ділом, а не роботом ся робит – перша част той поучытельной статі.

На конец «Припоминка» – припомянеме си памятник Александра Духновича в Колочаві.