«Говорить Пряшів» – пятниця, 18.10 год.

Зачынаме вікенд. Такой зачынаме. Коли приходит пятниця, а іщы пятниця вечер, та уж сме певны, же суботы і неділі нам нихто не забере.

В днешній премєровій передачы в першій черзі познаме особу русиньского писателя, котрый недавно вмер – Михаіла Чухрана з Підкарпатской Руси.

В «Книжници.фм» – Ірина Фірцак – русиньска поетка з Мадяр – почуєме єй вершы. Дальше буде «Перличка» – ту ґазета «Недѣля» нам даст школу о твердій основі церкви.

На конец кус поспоминаме. «Припоминка» – ту припомянеме собі призабыту історию катедральных капітул в Мукачеві і Пряшові.