«Говорить Пряшів» – пятниця, 18.10 год.

Все так было, же коли зачынало ся літо, то гідні ся діяло в нашым русиньскым жытю. Заран одбудут ся ґорлицкы консультациі в Рускій Бурсі в справі вписаня нашой культуры і языка на Державный Спис Нематерияльной Культурной Спадковины, а о тыжден загорит наша ХІІ Русиньска Ватра в Малым Липнику. Зато – маме што робити.

При нагоді тых теплых дни не забывайте о першым лемківскым радию. В днешній пряшівскій передачы почуєме в першій черзі о Ґерґею Бенедеку, лінґвісті, котрый досліджал русиньскій діалект села Комлошка на Мадярах.

Подальше в Книжници.фм – наш родак з Лемковины – Ярослав Зволіньскій. Почуєме його стихы зо збіркы «Знакы часу».

Перличка – ту незмінно ґезета «Недѣля» нас чогоси повчыт. Тым разом вчыт нас о хосеннности веґетариянізму (лем знайте, што то ґазета сперед ІІ світовой войны).

Припомinка – дознаме ся о звыках на праздник св. Йоана.