«Говорить Пряшів» – пятниця, 18.10 год.

Зачынаме наступный місяц – уж червцьовый! Зато будеме ся гріти не лем звуком радия, але певно в першій черзі сонечныма променями.

Днес почуєме о Мироні Сисаку, русиньскым науковцю і активісті. Дале в Книжници.фм – творы Дмитра Кешелі пн. «Шалабойдикы» – гумористична проза.

Перличка – наша дальша стріча з давном ґазетом «Недѣля». Тым разом заохотит нас підносити уроджай на полях.

Но і на конец Припоминка. Днес припомянеме собі бібліотеку Александра Духновича в монастырю в Красным Броді.