«Говорить Пряшів» – пятниця, 18.10 год.

Даякы з нас уж днес помалы входят в святочный час. Вшыткы «новостильны» Русины в найблизшу неділю будут празднувати Великден. Нич до того дойде, кєд лем мают дяку, запрашаме іх слухати (вєдно зо «старостильныма») нашу днешню пряшівску передачу. А буде як все  – цікаво.

Нашым целебритом буде славный русиньскій адвокат, державный урядник Александер Бескід.

В Книжници.фм выслухаме вершів войводиньского писателя Владиміра Бесермені. Перличка принесе нам дальшый выімок од ґазеты «Недѣля». Тым разом стара підкарпатска ґазета нас навчыт, чом треба розшырити рыбоводство. Цікава і такой нияк незбадана тема на Лемковині.

Припоминка – ту припомянеме си русиньску бурсу (інтернат) для дівчат, котрый был свого часу в Пряшові. Мы на Лемковині такых лем для дівчат не мали сме.

А пак, по передачы – желаме вшыткым святкуючым Веселых Свят!