«Говорить Пряшів» – пятниця, 18.10 год.

Нич ся під тым взглядом не змінило. Робиме і будеме робити. Не піддаєме ся, бо найліпша втіха то нашы слухачы.

Подібне думаня товаришыт і нашым пряшівскым камаратям, якы ділят ся своім проґрамом од… шумных уж років. Ани не знам, кілько то уж часу минуло, одколи в першым лемківскым радию доносиме тіж о тым, што чути за гором.

Днескы тіж донесеме. На першый оген береме нашого целебриту – маляря і педаґоґа Миколая Медвецкого. В Книжници.фм буде Елена Хомова-Гріньова і єй вершы.

Перличка – ту стара підкарпатска ґазета «Недѣля» o тых, котрых треба на фронт послати, бо підло ся справуют ґу людям.

Припоминка – в бывшій Чехословациі марец є місяцьом книгы, запрашаме прото чытати русиньскых авторів. Берте, што лем мате під руком, і студиюйте, тіште ся рідным словом!