«Говорить Пряшів» – пятниця, 18.10 год.

Ден за дньом, тыжден за тыжньом, як крок за кроком. Ідеме скоро допереду, хоц не знаме, ци того аж так хочеме.

Нашом днешньом целебритком буде русиньска писателька і зберачка фольклору – Анна Галґашова.

В Книжници.фм стрітиме ся з сучасном нашом поетесом, приятельком Лемків, Людмилом Шандальовом. Почуєме єй стихы зо збіркы «Напю ся водічкы».

В Перличці буде без змін – дальшый раз посмотриме собі на пожолклы карты довоєднной підкарпатской ґазеты «Недѣля». Тым разом вызыват нас на роботу для народа і за нарід. На конец собі дашто припомнеме. В Припоминці буде о роботі сиротинців на Підкарпатскій Руси в меджевоєнным періоді.