«Говорить Пряшів» – пятниця, 18.10 год.

Пришла пятниця. Зас скоро, як все. Бо так уж тото жытя выглядат, же над часом не годен панувати. То радше час опанувал нас, а мы лем тото принимаме.

Так і принимаме, же днес без змін. Буде наша премєра, котру высылают редакторы Русин.фм з Пряшова. Почуєме днес історию комуністичного політика на Підкарпатю, Олекса Борканюка.

«Книжниця.фм» то автор Миколай Ксеняк і урывок з прозы «Повойнова Камюнка».

«Перличка» то наша слідуюча стріча з ґазетом «Недѣля», де посмотриме на посвячыня памятника героям в Хусті.

«Припоминка» – ту побесідуєме о деревяній кожухівскій церкви, котра стоіт в центрі Кошыц.