«Говорить Пряшів» – пятниця, 18.10 год.

Польща святкує Ден Незалежности. А мы, Лемкы, тіж уж о хвилю своє будеме святкувати. Уж початком грудня/децембра будеме припоминати фльориньскє віче – значыт Ден Русинів в Польщы.

Але ним тото, так іщы днес «Говорить Пряшів». Почуєме о мукачівскым єпископі і просвітителю русиньского народа, Андрию Бачыньскым. В «Книжници» будут вершы Юрка Харитуна з книжкы «Надгоріты мої дні».

«Перличка» – з ґазетом «Недѣля» припомянеме собі Душычкы і тото, як має чловек правильно жыти і за чым іти.

На конец собі припомнеме І Медженародный Конґрес Русиньского Языка.