«Говорить Пряшів» – пятниця, 18.10 год.

Зачынаме дальшый вікенд. Скоро пришол, бо кєд сте добрі покомбінували, остатній вікенд ся выдолжыл і был так называным «долгым вікендом».

І тепер треба буде уж лем хвильочку ся помучыти, кєд же наступна пятниця тіж буде свобідна од роботы – Полякы святкувати будут Ден Незалежноси.

На тот момент, на днешню пятницю інформуєме, што нашым целебритом буде русиньскій писатель і лідер возродного руху на Мадярах – Ґабрієль Гаттінґер-Клебашко.

Дальше почуєме вершы підкарпатского писателя, Володимира Душенькевича. В «Перличці» буде ґазета «Недѣля», яка повчыт нас, же треба мати чысто в хыжы, на дворі і в чыстым облечыню ходити.

Наконец «Припомінка» – припомнеме си днес уж неістнуючу деревяну церков в днес уж неістнуючым селі Петеівці.