«Господарка давной Лемковины» / доповід В. Дзюбины – середа, 10.30 год.

Просиме слухати доповід Ваня Дзюбины пн. Господарка давной Лемковины. Емісия проґраму одбуде ся в середу 8. лютого/фебруара тр., початок о год. 10.30, повторіня в четвер 9. лютого/фебруара о 3.00 год.

Прелекция выголошена была 23. листопада/новембра 2022 р. в Музею Бічской Землі в рамках Бічскых Науковых Стріч.

Данута і Ваньо Дзюбины то основателі і властителі Лемківской Едукацийной Загороды в Ґладышові. На Загороду складают ся: столітнiй мешкально-ґаздівскій будинок – лемківскa хыжa, шпіхлир, тарановa оліярня, два вітраковы млины, кєрат тa студня з журавльом. Oбєкты выпосажены сут в давне ґратя і нарядя, котре властителі роками громадили, і котры то елементы сут жыво хоснуваны вчас веденых гын занять і варштатів. Є то примета, котра одріжнят ґладышівску Загороду од вшыткых інчых музейных і скансеновых єдиниц, в якых аж і боронит ся дотыкати експонатів.

В рамках діяльности загороды Данута і Ваньо Дзюбины орґанізуют розмаіты варштаты і прелекциі, з котрых мож ся дознати, як выглядало жытя і ґаздуваня на лемківскым селі перед выселінями.

Фот. Музей Бічской Землі