«Голосы Русинів» – середа, 18.10 год. 

Днесь на бісіду сьме покликали чоловіка многых творчіх професій – академіка Михаіла Беленя з Підкарпатя, котрый є скулптором, ґрафіком, малярьом, медайлером.

В сучасности діє як радник головы Закарпатьской областной державной адміністрації з вопросів културы і уменя, а так само є головов Ужгородьского містьского Общества імени Александра Духновіча.

Будете мати можность ся занурити у світ духовных цінностей і орьєнтірів Михаіла Беленя. Поговориме о його пути становліня як артісты і професіонала в совітьскых часах, розобереме його скушености педаґоґічной роботы і одношіня до технолоґічного проґресу.

А вже слідующій тыждень до вашой увагы буде представлена далша порція філозофскых роздумів од пана Беленя.

Слухайте «Голосы Русинів» в середу 5-го юла 2023 р. о 18.10 год., або повторіня в четверь 6-го юла а о 4.30 год. і в суботу 8-го юла 2023 р. о 11.00 год. за русиньскым часом. 

ТЕКСТ НАПИСАНЫЙ В ПРЯШІВСКЫМ СТАНДАРДІ РУСИНЬСКОГО ЯЗЫК