«Голосы Русинів Підкарпатя» – середа, 18.10 год.
Проґрам Голосы Русинів Підкарпатя – розговоры на інтересны і актуалны темы з підкарпатьскыма Русинами.
Карпаторусиньска актівістка Марія Канайло, роджена у 1934-ім році, прожыла інтересне, але нелегке жытя. Родила ся за Чехів, тямить другых Мадярів і приход руськых.
По штудіях в Ужгородьскім, пак в Мукачовскім педаґоґічнім училищі, вернула ся на Верьховину, де і учітельовала цілый жывот. Честують єй вшыткы обывателі Воловця і його околіці.
Коли зачав ся русиньскый ренесанс, Марія Івановна возглавила Воловецьке общество підкарпатьскых Русинів, отворила Недільну русиньску школу у Воловці, основала фолклорный колектів «Верховинка». Была делеґатом VII. і VIII. Світового конґресу Русинів за Підкарпатя.
На днесь у cвоїх 90-ох роках Марія Канайло енерґічна, міцна і мудра жена, валушна іщі на многы културолоґічны дійства. Давайте, єй послухаме.
Слухайте «Голосы Русинів Підкарпатя» в середу 20-го новембра 2024 р. о 18.10 год., або повторіня в четверь 21-го новембра о 4.30 год. і в суботу 23-го новембра р. о 11.00 год. за русиньскым часом.
Повязаны дописы
Ґорлиці 106,6 MHz
