«Голосы Русинів Підкарпатя» – середа, 18.10 год.

Днешнім гостьом проґраму «Голосы Русинів Підкарпатя» є Анна Меґела. Анна Михаіловна народила ся в селі Туря Пасіка, Перечиньского району, в многодітній родині колгозників – Катерины і Михаіла Йолич.

Учіла ся в Туря Пасіцькій восьмирічній школі і Перечиньскій середній інтернатній школі. У 1966-ім році поступила на Філолоґічну факулту Ужгородьской державной універзіты, котру закончіла в 1973-ім році.

Робила учительку україньского языка і літературы і ведучу учебной частины наперед на Сімерьскій школі, пізніше на Перечиньскій школі. У Перечині вела урокы в русиньскій недільній школі.

Пише стихы іщі од школы – наперед по україньскы, а теперь і по русиньскы. Печатала ся у выданях журнала «Отцюзнина» за рокы 2017 – 2018, і у выданю «Алманах днешньої русинської літературы» за 2019-ый рік.

У 2014-ім році выдала «Граматику русинського языка», зміненый і доповненый варіант якой планує напечатати найлизшым часом. Є членом Русиньского културолоґічного клубу.

Слухайте «Голосы Русинів Підкарпатя» в середу 9-го октобра 2024 р. о 18.10 год., або повторіня в четверь 10-го октобра о 4.30 год. і в суботу 12-го октобра р. о 11.00 год. за русиньскым часом.