«Голосы Русинів Підкарпатя» – середа, 18.10 год.

Володимір Рошко – підкарпатьскый зоолоґ, ентомолоґ, еколоґ, котрый коло наукы і педаґоґічной роботы пише стихы по русиньскы.

Родак із села Калник, Мукачовского района. Учів ся в Ужгородьскій універзіті. Од 1979-го року зачав робити на Біолоґічній факулті УжНУ. Од 1992-го до 2021-го року вів Катедру ентомолоґії, на котрій робить понад 40 років. Кандідат біолоґічных наук, доцент, нагородженый одзнаком «Відмінник освіти України» і державным орденом «За заслуги».

Выдав веце як півтора стовкы науковых статей, книжок, моноґрафій за бумбаків-боґарів, за еколоґію, за історію біолоґії на Підкарпатю.

Лавреат Премії імени Івана Петровція, автор книжкы «Я дуркаву у ваші двирі». Поетічным русиньскым словом фіґлює із краянами, описує нашы давны звыкы і традіції. Як сам він каже, хоче додуркати ся до сердця і душы каждого Руснака.

Печатав ся у вшыткых рочниках «Алманаха  днешньої русинської літературы». У 2020-ім році в Румунії вышла збірка Володиміра Гавриловіча «Вірши Руснаків».

З тым порядным нашым карпаторусиньскым ученым і поетом маєме честь днесь побісідовати.

Слухайте «Голосы Русинів Підкарпатя» в середу 2-го октобра 2024 р. о 18.10 год., або повторіня в четверь 3-го октобра о 4.30 год. і в суботу 5-го октобра р. о 11.00 год. за русиньскым часом.

Фото: Роман Пищальник.