«Голосы Русинів Підкарпатя» – середа, 18.10 год.

Днесь у нас буде бісіда з молодым вченым, ашпірантом Факулты общественных наук Ужгородьской націоналной універзіты Петром Габрином.

Герой днешнього проґраму сам родом з Виноградова (стара назва Севлюш, комітат Угоча), де в рокаши прожывать много етнічных ґруп, і притім вже сторіча ту не чути ани о найменшій меджіетнічній ненависти. Значіть, жыють в Севлюші вшыткы в мірі і покою.

Петро закончів Історічну факулту УжНУ і вже шістьнадцять років помагать єдній із найменше храненых етнічных ґруп Підкарпатя – Ромам. За тот час він добрі пробадав жытя Циґанів, знає як їм помочі, што фурт і робить.

Окрім того Петро Габрин є і актівным членом карпаторусиньской общественной орґанізації Русиньскый културолоґічный клуб і пробує вшелиякыма способами помочі і свому народу возродити ся културно. Він часто порівнює Русинів і Ромів, находячі меджі нима фест подобного.

Як молодый выкладач УжНУ Петро учіть штудентів не ганьбити ся родной бісіды, добре знати історію Підкарпатя, їй сохташ і честовати своє. І о тім вшыткім мы днесь з ним і поговориме.

Слухайте «Голосы Русинів Підкарпатя» в середу 31-го юла 2024 р. о 18.10 год., або повторіня в четверь 1-го авґуста о 4.30 год. і в суботу 3-го авґуста 2023 р. о 11.00 год. за русиньскым часом.