«Голосы Русинів Підкарпатя» – середа, 18.10 год.

Днешньоє нашоє выданя хочеме присвятити памяти Олґы Прокоп, вызначной русиньской културно-общественной діятелькы Підкарпатя. Приближыме світлый образ спочівшой через розговоры з їй ученицями.

А побісідуєме о інтересі підростаючого поколіня до народной пісні і далшій перспектіві шыріня русинського фолклору на Підкарпатю. Так само будете мати можность послухати різны інтересности із жывота Олґы Прокоп од їй внучкы.

Ключовы темы:

• Олґа Прокоп очіма своїх юных учениць
• Актуалный стан проєкту Бабчина співаночка
• Діятельность русиньскых народных школ на Підкарпатю (із скушености Наталії Симчик)

Олґа Прокоп была основательков і ведучов чісленных музично-вокалных колектівів. Посліднім їй такым творчім ділом быв дітячій ансамбель Бабчина співаночка, што тот рік 10-го октобра буде сятковати свою 17-ту річніцю. В сучасности орґанізаційну роботу на себе перебрала Наталія Симчик, внучка Олґы Прокоп, а музичным педаґоґом є Надія Жидик.

Слухайте «Голосы Русинів Підкарпатя» в середу 7-го септембра 2022 р. о 18.10 год., або повторіня в суботу 10-го септембра 2022 р. о 11.00 год. за русиньскым часом.

ТЕКСТ НАПИСАНЫЙ В ПРЯШІВСКЫМ СТАНДАРДІ РУСИНЬСКОГО ЯЗЫКА