«Голосы Русинів Підкарпатя» – середа, 18.10 год.

Юрія Мельника, знамого підкарпатьского артіста, майстра фіґлярьского жанра, поета, фотомаляря, народного тамаду знають у краю многы.

Тот порядный, добрый, людьскый чоловік довгы рокы є душов вшелиякых русиньскых подій, несучі радость і позітівность шырокій публіці. Русиньскым Луї де Фіне называють Юрка родаци, бо подобный до французьского коміка, а іщі на День сміха,1-го апріля, і народив ся.

Коли Юрія Мельника зазвідали сьме, што про нього – артіста, писателя, фотомаляря, тамады – є найголовнішым, найважнішым, то почули сьме:

«Люблю вшытко по чуть-чуть, айбо май булше – фіґлі. На днешньый день гумор на наших екранах перечинив ся на домак анекдотичный. Ун не несе духовности, а так не має быти. Фіґляр має честовати свого позирача и не раховати го примітивным. Тому я воліву не читати нияк, ги читати штось примітивноє».

Слухайте «Голосы Русинів Підкарпатя» в середу 23-го апріля 2025 р. о 18.10 год., або повторіня в четверь 24-го апріля о 4.30 год. і в суботу 26-го апріля о 11.00 год. за русиньскым часом.