«Голосы Русинів Підкарпатя» – середа, 18.10 год.

Василя Свалявчика знають і люблять на Підкарпатю многы, бо наш герой є порядным, великодушным і благым чоловіком. До своїх звань «Заслуженый малярь Україны», «Народный малярь Україны» ставить ся спокійно, без того, жебы то акцентовав.

Сміє ся: «Та і так єм народный, бо люди ня знають і честують, а того доста».

Василь Петровіч гордить ся, же є наслідником Підкарпатьской малярьской школы, быв учеником Миколы і Едіты Медвецькых, ходив на пленеры з Гаврилом Глюком, Антоном Кашшайом. Мав од кого вчіти ся.

Свалявчик каже, же на землі, на котрій на єден квадратный метер двоми малярі-жывописці, люди мають мати ідеалный естетічный смак. А чувство префайного ниґда не дасть чоловікови вчінити штось недобре.

У родиннім домі Свалявчиків окрім малярів суть гудакы. Туй гудуть аж на шестьох інштрументах. Значіть – естетічне, як і честь – довкола.

Слухайте «Голосы Русинів Підкарпатя» в середу 5-го марца 2025 р. о 18.10 год., або повторіня в четверь 6-го марца о 4.30 год. і в суботу 8-го марца р. о 11.00 год. за русиньскым часом.