«Голосы Русинів Підкарпатя» – середа, 18.10 год.

Автором співанкы «Остроє тирня», котра на початку проґраму прозвучіть у выконаню фолк-ґрупы «Остра Тирнина», є таленованый русиньскый композітор, гудак і співак Митро Варга.

Іщі як маленькый перестав видіти. Але наперек вшыткому Митро побіровав реалізовати вшыткы свої планы: не лем стати знамым у краю гудаком і співаком, але і писати співанкы про другы музичны капелы.

Пісні Митра Варгы давно стали знаныма, і  співають їх всядыль по світі, де підкарпатьскы Русины суть на заробітках.

Вшыток свій жывот герой «Голосів Русинів Підкарпатя» ани на секунду не тратив віры в себе і підпору тых, хто довкола нього. Найвеце дякує за поміч жені Аліні, бо што і як бы Митро не робив, она фурт коло нього.

Слухайте «Голосы Русинів Підкарпатя» в середу 26-го фебруара 2025 р. о 18.10 год., або повторіня в четверь 27-го фебруара о 4.30 год. і в суботу 1-го марца р. о 11.00 год. за русиньскым часом.