«Голосы Русинів Підкарпатя» – середа, 18.10 год.

Коли ся видить, же Карпаторусинам самов судьбов не дано всокотити ся од асімілації, і доля наша – то розпустити ся в даякім векшім і силнішім народі, а надії нияк не є, тогды ся появляють такы як Тетяна Мороляк.

Мама троє дівочок, котры про ню суть вшыткым. І она твердо знає, же голосы їх мають звучати по русиньскы. І про тото Таня вчінить вшытко.

До свойой самоідентіфікації наша героїня iшла з маленькой, стоячі за правом говорити материньскым языком в школі, своїм прикладом наставлюючі і пересвідчуючі так робити тыы, хто ганьбив ся говорити «по сільскы».

Маючі тягло до поезії, зачала писати скоро, а по русиньскы тогды, коли стала членом ґруп «Кавілюєме і фіглюєме» і «Креденц сміха».

Зачинаючі од другого выданя у 2020-ім році печатать ся у «Алманасі днешньої русинської літературы». Основала свій літературный клуб «Іскра душі», як сама пише «свуй материк у лічному світови».

Любить свою родину, свій народ, своє слово. Навщівлять штудентьскы поетічны «тусовкы» і помагать зачінаючім поетам писати і не ганьбити ся свого слова.

Слухайте «Голосы Русинів Підкарпатя» в середу 18-го децембра 2024 р. о 18.10 год., або повторіня в четверь 19-го децембра о 4.30 год. і в суботу 21-го децембра р. о 11.00 год. за русиньскым часом.