«Голосы Русинів Підкарпатя» – середа, 18.10 год.

Наш днешній герой – простый підкарпатьскый фатьов, котрый не привык ся хвалити своїма заслугами. Хоць, кедь попозерати ся, они у нього суть векшы, як у многых «прославленых меценатів».

То і підпора фолклорных колектівів, і ремонт старой деревляной церьквы, але другы діла, за котры Василь Дрогобецькый говорити не хоче. Він просто робить тоту роботу, котру любить.

Іщі безперерывно занимать ся самошколованьом. Хоць Василь не штудовав історію на універзітах, але знає і ліпше як многы дипломованы історікы. Знає, бо любить історію, хоче ей знати і передає єй, як водитель ексурзій, обывателям другых областей Україны. Тым і ламле стереотіпы про сепаратістів – Русинів, котрым  у головах лем дурноє – як Україну порвати на части.

Навеце Василь має дяку отворити у Поляні до будучна історічно-етноґрафічный музей і деґустаційну салу, де мож буде попробовати файной палінкы або вина. Але ліпще він розповість вшытко сам.

Слухайте «Голосы Русинів Підкарпатя» в середу 4-го децембра 2024 р. о 18.10 год., або повторіня в четверь 5-го децембра о 4.30 год. і в суботу 7-го децембра р. о 11.00 год. за русиньскым часом.