«Гіст в ЛЕМ.фм: проф. Г. Папроцкій о Юрию Новосільскым» – пятниця, 10.30 год.

Просиме слухати бесіду з о. проф. Генриком Папроцкым, парохом катедры св. Григория Перадзе в Варшаві. Духовный оповідат о своій долголітній знаємости з Юрийом Новосільскым. Інтервю зрыхтувала Олена Стефановска. Емісия пройде в пятницю 10. лютого/фебруара тр., початок 10.30 год., повторіня в суботу 11. лютого/фебруара о 3.00 год.

О. проф. Генрик Папроцкій (вр. 1946 р.) – выдатный православный теолоґ, філософ і тлумач літургічных текстів на польскій язык, бывшый працівник Катедры Православной Теолоґіі Університету в Білымстоку, бывшый выкладач варшавской Православной Духовной Семінариі, прес-секретар Польской Автокефальной Православной Церкви, парох польскоязычной православной парафіі в Варшаві, одзначеный Офіцерскым Крестом Одроджыня Польщы.

О. Папроцкій долгы рокы приязнил ся з Ю. Новосільскым. Разом выізджали на вакациі, одвиджали ся, а предовшыткым – дискутували. Годинами бесідували о штуці, істориі штукы, іконах, о теолоґіі, філософіі, християньскій літургіі, тіж о літературі.

З бесіды з проф. Папроцкым дознате ся, што його приятель ясно окрислял себе Лемком. «Професор [Новосільскій – прип. ред.] без перервы підкрислял, і в бесідах, і в інтервю, же єст Лемком. Зробил з того такій аж і штандар. (…) Принимал, што лемківскы церкви сут єдином автентичном церковном архітектуром, найліпшом в Польщы» – споминат о. Г. Папроцкій.

Веце – слухайте в проґрамі.