«Гіст в ЛЕМ.фм: Хор Бельферсінґерс» – середа, 11.00 год.

Просиме слухати бесіду з членами Камерального Хору Бельферсінґерс з Ґорлиц: Катажыном Бжозовском-Хохолек та Станіславом Дзєдзяком про выданя найновшой платні хору. То кружок пн. Z nieba wysokiego, на котрым xористы співают выбраны коляды і щедрівкы записаны етноґрафами О. Кольберґом і Ф. Колессом.

Члены хору оповіли, як то ся стало, же товаришат ім на платни: смыковый Квартет Бескід, Юлия Дошна та ансамбль Серенча. Звідали сме ся о спілпрацу з запрошеныма артистами, о аранжациі, процес нагрываня материялу та найблизшы концерты. Гості оповіли тіж, як перетырвали час пандеміі, коли не мож было мати правдивых проб.

Інтервю просиме слухати в середу 18. січня/януара 2023 р. коло 11.00 год. в рамках проґраму «Пачісна година».

Фот. і відео: Фанпейдж на сайті Facebook