ХІ Стрічы Трьох Поколінь (фотореляция)

В суботу, 4. листопада/новембра т.р., на чужыні в Пшемкові проходила дальша, ХІ. едиция Стріч Трьох Поколінь з Лемківском Культуром, яка є орґанізувана тамтышнім Кружком Стоваришыня Лемків. 

В проґрамі подіі найпшерше вызвучала панихіда в памят жерт депортацийной акциі Вісла, а по ній посвячыня та одкрытя пропамятной таблиці, яка вмурувана є в стіну православного храму Св. Михала Архангела в Пшемкові. 

В дальшій части суботнього пополудня, в пшемківскым культурным домі проходили выстпуліня в рамках Стріч Трьох Поколінь. Серед запрошеных артистів нашли ся Петро Мурянка, Юлия Дошна, Сестры Бочнєвич та ґаздове – ЛАПіТ Ластівочка вєдно з молодшыма Ластівчатами. В тій части проґраму нашол ся тіж час на спомины выселенців. 

Просиме до обзераня фотореляциі з тамтых подій. Знимкы авторства Мирослава Воргача.