ХХІІ Лемківска Творча Осін

Стоваришыня Лемків і Стоваришыня Руска Бурса сердечні просят на ХХІІ Лемківску Творчу Осін, яка в тым році буде проходила в Тыличы (11. жолтня) і – як все в другій ден – в Ґорлицях (12. жолтня). Тогорічна стріча посвячена єст 100. річниці Талергофу, єдной з великых траґедий русиньского народу в ХХ столітю, зато тота тема буде перевивала ся на фоні і в самым проґрамі Осени.

В перший ден подія зачне ся о 17.30 зложыньом квітя на тылицкым цмонтері, де спочывают вязнены в талергофскым лаґрі, а пак орґанізаторы запрашают до тылицкого Дому Культуры на стрічу з творцями. Наконец заграют “Гудаци”.

Другого дня, в неділю, Осін перенесе ся до ґорлицкой Руской Бурсы, де од 15.00 год., по звиджыню Ізбы Памяти Івана Русенка, словом о Теофілю Куриллі і його Дневником Лемка з Талергофу зачне ся стріча з творцями.

Лемківску Творчу Осін ‘2014 скінчыт концерт русиньского барда Владислава Сивого з Пряшівской Руси.

Більше інформаций – долов.