Громады і выборы

„ЛЕМКО” – ґазета, для народа, в чыслі 10 за 1911 рік, котре на цілій Лемковині вказало ся 15. мая прoвадило передвыборчу аґітацию.

І днес, наша редакция, коли бы мала заохочати до выбераня, то Лемкы – голосуйте на честных люди, котры лемківскій язык мают за свою найціннійшу выборчу оруж, а не провадят маніпяций. Котры вірно плекают діло о. Гавриіла Гнатишака з Крeниці, спілорґанізатора крeницкой чыталні ім. М. Качковского, спілоснователя “Руской Бурсы” в Новым Санчы, увязненого в Талергофі, а дале судженого в другым віденьскым процесі, котрого не протримал і вмерл в 1917 році.

Коли не знате свого кандидата в своім округу, так ся звідайте в нашій редакциі, на кого вартат оддати Ваш русиньскій голос.