«Говорить Пряшів» – середина лютого – середа, 20.00 год.

Середина лютого/фебруара західньому світови ся асоциює головно зо святом св. Валентия, покровителя закоханых. В нас тіж ся люде люблят, кохают – і то барз добрі. Сила лем в купі, ци якоси так. В Пряшові знают тото вшытко, знают же сила то штотыжньова порция любови. Лем же то любов інча, бо любов до рідного слова, істориі, поезиі, просто – Народу.

Пряшівскы кореспонденты радия Русин.фм люблят тото рідне на все. Найліпшым доказом є проґрам «Говорить Пряшів». Думали сте часом, чом они говорят, а не бесідуют, гварят або ґадают? В сумі мы тіж. Одповіди треба глядати в каждым з одтинків, в каждій же части з якой ся сес проґрам складат, зато же русиньскій язык є нашым богатством, а тото найліпше видно в тым проґрамі, де о всякых річах годен повісти по русиньскы. Знайте тото, бо мы уж знаме.

За рамівком Русин.фм чытаме: Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.