«Говорить Пряшів» – пятниця, 20.00 год.

Писали сме Вам кус несміло, але з полном певністю, што по теплых часах приде зима. І ся зъістило. Не каждий хотіл вірити нашым словам, але тепер тоты невірны уж будут знали, што мы вшытко знаме. Як то в єдным з польскых культовых фільмів повіли: «Суды судами, але справедливіст мусит быти по нашій стороні». Того i мы ся тримаме на штоден в нашым редакцийным жытю.

Кілько то уж тых заявок поучытельного проґраму было? Сам не знам. Важне, жебы робити такій проґрам, в котрым не лем про забаву будете чули. Так як раз є в передачы од Руснаків од Пряшова. Не є то така легка річ, зробити проґрам, в котрым выступує заєдно пару редакторів. Тым більше ся тішыме, што маме такых робітных камаратів.

На днес нам камаратя з Русин.фм зрыхтували м.ін. слово про народного артисту – Юрия Молнара з Кыйова, ученика Дезидерия Миллого. А в Книжници.фм почуєме творчіст Василя Пантича – «Русины сыны Европы».

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.