«Говорить Пряшів» – пятниця, 20.00 год.

На добру справу, то уж передсвяточна премєра «Говорить Пряшів». Григоряне мают лем кус більше як тыжден до Різдва. Но, мы з Лемковины, бодай выключно сме Юлиянами. Але колядкы співати годны уж єдны і другы. Хоц лем тото бы нас мало лучыти, бо знаме што вшытко інче попыртане як фрас. 

В грудни/децембрі то фурт мало часу, жебы порядну заявку написати. Вшыткы роблят над тым, жебы ґранты покічныти. О тым сме уж Вам писали. Знаме, же хтіли бы сте нас спомочы, але відомо і Вы не мате часу. Такій паскудний світ. 

До того першого Різдва іщы лем кус, прото не буду желал Вам того і тамтого, понеже надію ся, што о тыжден ся гев іщы стрітиме. Така моя щыра віра, на стрічу зо слухачами. 

Днешнє прашівскє передачаня проґраму «Говорить Пряшів» принесе нам оповісту про Осифа Кріжко, заслуженого в боях на Дукляньскым Перевалі, нашого вояка з Вышнього Верлиха. В Книжниці.фм прочытают нам вершы Штефана Смолея, а Перличка доповіст нам про поправліня желізничых получынь на Підкарпатскій Руси. 

Передсвяточно просиме і ждеме. 

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.