«Говорить Пряшів» – пятниця, 20.00 год.

Радийо Русин.фм з Братиславы як каждый тыжден приносит процийку вісти о плянуваных культурных подіях і роботі русиньскых інституций – музею, театру і ансамблю Пульс.

В Книжници.фм радит бібліотекар Ігор Латта. Днеска буде чытал фраґменты творів Миколая Ксеняка зо збіркы Недоповіджене. Роздумы Теодозиі Латтовой в Припоминці будут тыкати ся Великой Пятниці, як дня смерти Ісуса Христа. Буде повідала про школу жытя, страсти і терпіня. Петро Медвід в Перличках прочытат долшый текст пн. Нашы бокорашы. Жебы даяк заохотити слухачів до слуханя і дознаня ся взагалі – кым сут бокорашы і чым ся трудили – не будеме ани поясняти, кади они сплавляли бокоры. Статя надрукувана была в підкарпатскій ґазеті «Карпатска неділя».

Целебритом того тыжня буде Іларийон Цирканович, родженый в селі Давидівка на Буковині русиньскій політичный діяч і журналиста.

фото – Кальвария в Пряшові, wikipedia