«Говорить Пряшів» – пятниця, 20.00 год.

Літо, липец/юлий, а наша редакция уж чула голосы, што якоси тот місяц студений. А сут і такы, што повідают, же спілчуют другым, якы тепер пішли вакациювати. Може і кус правды в тым єст. Як повідал клясик: правда є як… каждий має свою.

Правдом є примірні тото, што тыжден тому проходил Світовий Конґрес Русинів. Значыт, зышли ся братя Русины/Руснакы/Лемкы (до выбору, до кольору) і штоси рішали. І хоц то барз важна подія, то чырчаньска підредакция од найлішпого, веселого проґраму Чырч Ґрамофон (што го слухате каждий віторок) твердит, же в остатню неділю в Чыру проходило свято – Чырчаньскє Літо. Ех… жебы сте лем знали, то бы сте пішли поскакати.

Але змінме дакус настрій. Мы ту о шаленотах, а днес премєра поучытельного проґраму «Говорить Пряшів». Майте повагу до Пряшова, то порядне місто. То центр русиньской культуры. Пряшівяне з радия Русин.фм, нашы братя-камаратя днес Вам будут представляти в Історичным Календари продолжыня про Адольфа Добрянского, в Перличці почуєме про концертовий і літературний вечер в Унґварі, а Книжниця Русин.фм даст нам творы Штефана Смолея. В части Нашы целебриты почуєме спомин на проф. Юрия Панько. Буде добрі, буде поучытельно!

здравиме, підредакция Чырч Парады

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.