«Говорить Пряшів» – пятниця, 20.00 год.

Замаіло ся як суцо. Давно сме ся гев не чули, але уж вертаме до нормальности. Хоц нормальніст про каждого значыт дашто інче, в редакциі мусит значыти єдно про вшыткых редакторів, журналистів. Кєд єден тягне в інчий бік як ціла решта, товды ся редакция годна зосварити, і біда.

Зачали сме днешню заявку дакус песимістично. Но-ле, зміниме тон. Час, в якым ся тепер находиме, являт ся бодай найкрасшым протягом цілого рока. Попозерайте, а тоты, што далеко од джерельця, най подумают, як тепер крас є на Лемковині. Як нашы прекрасны лісы зеленіют, як міняют кольор такой з дня на ден. Весело, аж ся жыти хоче. А дыхнути своім лісом, свойом природом, то уж цілком байка. Яр в горах найліпша. Про тото будеме свідчыти не раз.

Коли тепло, то добрі си выставити радийо перед хыжу. Най ціле село чує лемківскє слово. Коли сме в себе – неє ся чого ганьбити. Такой днес по 20.00 год. голос од Пряшова. Буде в ним слово про о. Штефана Бендаса – в части Нашы Целебриты. В Книжници.фм оповіданя Михала Дзиндзя.

Ждеме любителів Пряшова.

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.