«Говорить Пряшів» – послідній тыжден октобра – пятниця, 20.00 год.

Осін полном ґамбом. Лем на Лемковині крас забарвили ся лісы, а листя на деревах – як бы хотіло малювати дашто гарде. Бо так то де інде студін, ліє, а і приморозок. Лем в нас дома фурт найліпше і найкрасше. Хоц чудова осін помаленькы ся кінчыт, надале іщы осінню хвилю будеме мали. 

В днешнім «Говорить Пряшів» будеме як раз в темі. Теодозия Латтова оповіст про осін та про тото, што треба нам дбати про наше здоровля. А може будут дакы златы рады, як здорово жыти і – предовшыткым – як долго жыти? Тото бы сме хотіли желати не лем нашым слухачам, але потихы і самым собі. 

Знате русиньского барда, Владислава Сивого? Певно є, бо ходил концертувати до нас на Лемковину. Был в Рускій Бурсі, а был тіж на І Фестівали Лемківской Авторской Творчости «Молода Лемковина», де дал попис свойой творчости. Переміг. Но, днес в Книжници.фм послухаме вершы Влада Сивого. 

Тото, што сте прочытали, то лем фалаток нашой пропозиці. Полний проґрам уж днес по 20.00 год. Красні здравиме. 

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.