«Говорить Пряшів» – початок марця – середа, 20.00 год.

Чути, штораз ліпше єй чути! Яр! Зачал ся Великій Піст – час, коли не лем чловек має ся очыстити, жебы пак з приходом Воскресіня Христового наново народити, але тото само чынит і природа. Помалы вшытко зачне ся родити. На чужыні снігу уж ніт, але на рідній земли іщы го кус остало. Добрі, же тає. Уж ани діти, котры мали шкільны фериі не будут нарікати, же го бракує, бо, по правді, то уж ся выхідне од школы скінчыло. Тепер то не лем они, але і студенты тяжко ся берут за роботу. Но, і очывидні редакторы русиньскых медий. Так тых з Лемковины, як і з Пряшівской Руси. Як раз тепер буде нам інтересно про Пряшів, бо то днес дальша премєра поучытельного проґраму «Говорить Пряшів».

Што днес в ним буде – ани мы самы добрі не знаме. Таємниця. Новы стандарды шефредактора ЛЕМ.фм (хоц Вам щыро повіме, же він сам певно іщы не знат о чым буде!). Но, але то добрі – не знати, а пак на горячо слухати по 20.00 год. в ефірі Вашого-нашого лемківского радия, котре лем про Нарід робит. Запрашаме.

фот. горі: видочний памятник Будителя Русинів о. Александра Духновича в Пряшові перед перенесіньом на теперішнє місце

За рамівком Русин.фм чытаме: Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.